കീചെയ്ൻ🎻

ബസ്🚌

എനിക്ക് മുന്നേ അവരവിടെ പ്രത്യക്ഷപ്പെട്ടിരുന്നു....

അംബരചുംബിയല്ലങ്കിലും ആ കെട്ടിടത്തിനു അവിടൊരു പ്രത്യേക സ്‌ഥാനം തന്നെ ഉണ്ടായിരുന്നു. 

"നിലമേൽ റൂറൽ കോ-ഓപ്പറേറ്റീവ് സൊസൈറ്റി "

ഓടി കിതച്ചെത്തിയ ബൈജുചേട്ടൻ തിടുക്കത്തിൽ  തന്റെ കട തുറന്നു. 

കടയോട് ചേർന്നുള്ള പീടികത്തിണ്ണയിൽ അവൻ സ്‌ഥാനമുറപ്പിച്ചിരുന്നു. 

അവൻ മാടൻ... !

ഭീമാകാരമായ ശരീരത്തിനു ഉടമയാണെങ്കിലും ഒരു മാടപ്രാവിന്റെ മനസ്സാണ്. 

അതെ സമയം മറ്റൊരിടത്തു... 

"ചാന്തണിച്ചിങ്കാരി... കുപ്പിവളക്കിന്നാരി... 

നീയെന്നെയെങ്ങനെ സ്വന്തമാക്കി... "

എം.ജി ശ്രീകുമാറും ചിത്രയും പലരുടെയും കാതുകളിൽ മഴയായി പെയ്തിറങ്ങി. 

തിരക്കു നിറഞ്ഞ ബസ്സിൽ ആ സംഗീതമാധുരി ശ്രവിക്കാത്തവരായി ആരും തന്നെ ഉണ്ടായിരുന്നില്ല. 

മുൻവശത്തെ ജാലകത്തിൽ ആ പക്ഷി തനിച്ചായിരുന്നു. 

ഇടക്കിടെ ചിറകുകൾ ഉയർത്തി കണ്ഠപാശത്തിൽ  സ്പര്ശിക്കുന്നുണ്ടായിരുന്നു. 

നിശ്ചിത ഇടവേളകളിൽ അടിച്ചുകൊണ്ടിരിക്കുന്ന അലാറം പോലെയായിരുന്നു അവൾ...