മാധുരി❤️

കൊലപാതകി👹

പിന്നെ...

ഞാൻ അപ്പച്ചനോട്‌ കാര്യങ്ങൾ അവതരിപ്പിച്ചു.

ഇത്തരത്തിൽ പ്രശ്നങ്ങൾ ഒക്കെയുള്ള ഒരാൾ സ്വന്തം മകളുടെ ജീവിതത്തിൽ കടന്നുവന്നാൽ എന്തൊക്ക ഉണ്ടാകാം എന്ന് എന്റെ അപ്പച്ചൻ ചാക്കോ മാപ്പിള ആലോചിക്കാതിരുന്നില്ല.

അത് അങ്ങനെയാണ് എല്ലാ മാതാ പിതാക്കൻമാരും ചിന്തിക്കുന്നത് പോലെ എന്റെ അപ്പച്ചനും അമ്മച്ചി ലില്ലികുട്ടിയും ചിന്തിച്ചു.

ആദ്യ നാളുകളിൽ അവർ ഞങ്ങളുടെ കാര്യത്തിൽ വിസമ്മതിച്ചു.

എതിർപ്പുകൾ ഉണ്ടായിരുന്നുവെങ്കിലും എന്റെ നിലപാടുകൾ മാറ്റാൻ ഞാൻ തയാറായിരുന്നില്ല.

ഒടുവിൽ അപ്പച്ചന് സമ്മതിക്കേണ്ടി വന്നു. 

രാജീവിനെ കാണണമെന്ന് അപ്പച്ചൻ ആവശ്യപ്പെട്ടു.

ടോ... രാജീവേ.. ഞാൻ തന്നെ കാണണമെന്ന് പറഞ്ഞത് എന്തിനാണെന്ന് അറിയാവോ... ?

എനിക്ക് ആണായിട്ടും പെണ്ണായിട്ടും ഒരു മകളാണ്; സ്റ്റെല്ല.

ഇക്കണ്ട സ്വത്തിന്റെയൊക്കെ അവകാശി. എനിക്കുള്ളതൊക്ക അവൾക്കാ...

ഞാൻ ആഗ്രഹിച്ചത് തന്നെ പോലൊരു ആളെയല്ല എന്റെ മകളുടെ ജീവിത പങ്കാളിയായിട്ട്.

പക്ഷേ... അവളുടെ വിഷമം കണ്ടില്ലെന്നു നടിക്കാനും എനിക്ക് കഴിയില്ലടോ...

അവളുടെ മനസ്സിൽ താൻ എങ്ങനെ കേറികൂടിയടോ... ?

എന്റെ കാര്യങ്ങൾ സ്റ്റെല്ലയോടു ഞാൻ പറഞ്ഞതാണ്.

അറിയാടോ... ജീവിതം അത് അങ്ങനെയാണ്.

എനിക്ക് തന്നെ ഇഷ്ട്ടായടോ...

ചിലപ്പോഴൊക്കെ സ്നേഹം നമ്മളെ തോൽപ്പിച്ചു കളയും.

താൻ കേട്ടിട്ടുണ്ടാ...

സ്നേഹം കൊണ്ടുണ്ടായ മുറിവ് സ്നേഹം കൊണ്ട് തന്നെ സുഖപ്പെടുത്തുന്നു എന്ന്.

അങ്ങനെ ആ ദിവസവും വന്നു ചേർന്നു...