മാധുരി❤️

നന്ദിനി🌺

ഞങ്ങൾ മൂന്നാളും മാടായിപ്പാറയിൽ പോയപ്പോഴായിരുന്നു അത്തരത്തിൽ ഒരു കാഴ്ച കണ്ടത്.

ദുർമൂർത്തികളെ പ്രീതിപ്പെടുത്താൻ വേണ്ടി ആഭിചാരം ചെയ്യുന്നു. 

"മാരണം " ഏട്ടൻ പറഞ്ഞു കേട്ടിട്ടുണ്ട്. മനുഷ്യന്റെ ജീവിതം തന്നെ അവതാളത്തിലാക്കാൻ കഴിയുന്ന മാന്ത്രികവിദ്യ. തലയോട്ടികൾ, അസ്ഥികൾ ;നിലത്ത് ചതുർമുഖ ഫലകത്തിൽ കവടി നിരത്തിവെച്ചിരിക്കുന്നു.

ചുവന്ന പട്ട് അവിടാകെ ചുറ്റിയിരിക്കുന്നു. തീക്കുണ്ഡത്തിൽ നിന്നും ഉയർന്ന്‌ പൊങ്ങുന്ന പുകച്ചുരുളുകൾക്ക് കനപ്പ് കൂടിവന്നു. ഗാഢമായ തീക്ഷ്ണഗന്ധം നാസികയിലൂടെ തുളച്ച് കയറുന്നത് പോലെ തോന്നി. 

അവിടെ നിൽക്കുന്നത് പന്തികേടാണെന്ന് തിരിച്ചറിഞ്ഞ ഞങ്ങൾ പതിയെ കുന്നിറങ്ങി. തിരികെ വരുമ്പോൾ കാക്കപ്പൂക്കൾ എന്റെ കൈവശമുണ്ടായിരുന്നു. 

രാമേട്ടന്റെ കൈകൾ പിടിച്ച് കീഴ്ക്കാവിലമ്മയുടെ സന്നിധിയിലൂടെ പോകുമ്പോൾ പഴയ ഓർമ്മകളിലേക്ക് ഞാനൊന്ന് യാത്രചെയ്തിരുന്നു. രാമേട്ടൻ മൗനത്തിലായിരുന്നു. ഒന്ന് പൊട്ടിക്കരയാൻ മൗനത്തേക്കാളേറെ മറ്റെന്താണുള്ളത്. 

ഇന്നും എന്നെ ജീവിക്കാൻ പ്രേരിപ്പിക്കുന്നത് ഇനിയും ജനിക്കാനിടയില്ലാത്ത പൊന്നോമനയെ ഒരുനോക്ക് കാണാൻ കഴിയുമെന്ന പ്രതീക്ഷയിലാണ്. 

എന്നെപ്പോലെ തന്നെ ലോകത്തിലെ ഓരോ സ്ത്രീകളെയും ജീവിക്കാൻ പ്രേരിപ്പിക്കുന്ന വലിയൊരു പ്രതീക്ഷയെന്നത് ഉദരത്തിൽ മിടിക്കുന്ന ജീവനായിരിക്കും. അതിനേക്കാൾ വലിയൊരു പ്രതീക്ഷയൊന്നും ഈ ലോകത്തിലില്ല. 

മറ്റാർക്കും അനുഭവിച്ചറിയാനാകാത്തൊരു സർഗാത്മകതയും നൈപുണ്ണ്യവും നീണ്ട് പരന്നു കിടക്കുന്ന ദൈവത്തിന്റെ മനോഹരമായൊരു സൃഷ്ടിയാണല്ലോ ഞങ്ങൾ സ്ത്രീകൾ. 

ദേവിയുടെ സഹസ്രനാമങ്ങൾ അവിടമാകെ അലയടിച്ച് കൊണ്ടിരുന്നു. ഊട്ടുപുരയുടെ സമീപത്തായി... 

തുടരും...