background

വാക്കുകൾക്കപ്പുറം💕

തലച്ചോറിന്റെ പ്രായോഗികതയേക്കാൾ ഹൃദയത്തിന്റെ വിശാലതയ്‌ക്ക് സൗന്ദര്യമല്പം കൂടുതലാണെന്ന് തോന്നുന്നു. 

അതുകൊണ്ട് തന്നെയാകാം ഹൃദയം കൊണ്ട് പറയുന്ന വാചകങ്ങൾക്ക് സ്നേഹത്തിന്റെ സ്വാദുള്ളതും. 

സ്നേഹത്താൽ നിറഞ്ഞൊരു ഹൃദയത്തെ നീണ്ട ഇടവേളകൾക്ക് ശേഷം ദൈവം എനിക്ക് മുന്നിൽ വീണ്ടും അയക്കുകയുണ്ടായി. 

കൊഴിഞ്ഞു പോയ വസന്തത്തിന് ശേഷം ഭ്രാന്തമായ ആവേശത്തോടെ പൂത്തുതളിർക്കാൻ കൊതിക്കുന്ന ഒരു 'ഉതിർമുല്ല ' എന്നോട് പറഞ്ഞ ചില വാചകങ്ങളുണ്ട്. അവളിൽ പ്രകടമായത് അനിയന്ത്രിതമായി ഒഴുകുന്ന സ്നേഹവും. 

"കുറേ പേർ വേണം. എല്ലാവരേയും സ്നേഹിച്ച് ഒരുമിച്ച് ജീവിക്കണം. എപ്പോഴും കുറേ ചിരിക്കണം. മണ്ടത്തരം പറയണം. കൊച്ച് കൊച്ച് വഴക്ക് കൂടണം. എത്ര വഴക്ക് വന്നാലും ഒന്ന് ചിരിച്ചുകാണിച്ചാൽ എല്ലാം മാറണം പഴയപോലെയാകണം. അത്യാവശ്യം ജീവിക്കാനുള്ള സൗകര്യം മതി. പക്ഷേ നമുക്ക് സ്നേഹിക്കാനും നമ്മളെ സ്നേഹിക്കാനും എന്റെ എന്ന് പറയുവാനും കുറച്ചു പേരും വേണം. 

Lyf gingalala...   "

എന്നെ ആഴത്തിൽ ചിന്തിപ്പിച്ചത് നീ പറഞ്ഞയീ വാചകങ്ങളാണ്. ഹൃദയം കൊണ്ട് പറഞ്ഞ വാചകങ്ങൾ. ഇത്രയും കുലീനമായി എന്നെ എഴുതാൻ ഇടയാക്കിയതിന് നന്ദി. ഒരുപാട് സ്നേഹത്തോടെ...