background

ചെറുതല്ലാത്തൊരു സന്തോഷം 🖤

ഭൂതകാലത്തിലേക്കൊന്ന് സഞ്ചരിക്കുകയാണ്. ബാങ്കിൽ നന്നേ ആൾതിരക്കുള്ള ദിവസമായിരുന്നു. പുറത്തെ ചൂടിൽ നിന്ന് അല്പം ആശ്വാസം ലഭിച്ചത് ബാങ്കിനുള്ളിലെ എയർ കണ്ടീഷണറിൽ നിന്നുള്ള തണുപ്പ് കാൽപാദങ്ങളിലും കൈകളിലും ചുംബിച്ചപ്പോഴാണ്. 

പണം പിൻവലിക്കുന്നതിനുള്ള ഫോറം പൂരിപ്പിക്കുന്ന തിരക്കിലും ഞാൻ പലരേയും ശ്രദ്ധിച്ചു. 

വ്യത്യസ്ത മുഖഭാവങ്ങൾ പലരിലും കാണപ്പെട്ടു. പെട്ടെന്നാണ് അടുത്തേക്ക് പ്രായമേറിയ ഒരമ്മുമ്മ കടന്ന് വന്നത്. 

അക്കൗണ്ടിൽ നിന്നും പണം പിൻവലിക്കണം ; അതിനായി ചെറിയൊരു കലാസിൽ തുകയും പേര് വിവരങ്ങൾ കൂടി എഴുതേണ്ടതുണ്ട്. 

ആ വയസ്സായ അമ്മുമ്മ എന്നോട് ആവശ്യപ്പെട്ടതും അതായിരുന്നു. ഞാൻ ഫോറം പൂരിപ്പിച്ച് നൽകി. 

അമ്മുമ്മ എന്നെ നോക്കിയൊന്ന് പുഞ്ചിരിച്ചു.അമ്മുമ്മയുടെ സന്തോഷത്തിൽ ഞാനും ഒരു പങ്ക് വഹിച്ചല്ലോ... 

ചെറുതല്ലാത്തൊരു സന്തോഷം.

നമ്മൾ നേടിയ അറിവ് മറ്റുള്ളവർക്ക് ഉപകരിക്കുമ്പോഴാണ് അതിന് മൂല്യമേറുന്നത് എന്ന് തോന്നുന്നു. 

അതെ ചെറുതല്ലാത്തൊരു വലിയ സന്തോഷം.