background

ഹൃദയം ❤️

എത്ര നീട്ടിയളന്നാലും ഒരു നിശ്ചിത സമയത്തേക്കാണ് നമ്മുടെ ജീവിതം. ഈയൊരു കാലയളവിൽ പ്രപഞ്ചം നമുക്കായി സമ്മാനിക്കുന്നത് വർണങ്ങളാൽ ചാലിച്ചെഴുതിയ വാങ്മയചിത്രവും. ആ വാങ്മയചിത്രമാണ് ജീവിതം. 

ഹൃദയദിനത്തിൽ ഹൃദയം കൊണ്ട് പറയുവാനും ഹൃദയം കൊണ്ട് കേൾക്കുവാനും ഇടയാക്കിയതിന് ദൈവത്തിന് നന്ദി. 

നിങ്ങളെപ്പോഴെങ്കിലും അവയവദാനത്തെക്കുറിച്ച് ചിന്തിച്ചിട്ടുണ്ടോ... ? എന്നെ ഗഹനമായി ചിന്തിപ്പിക്കാൻ ഇടയാക്കിയത് കഴിഞ്ഞുപോയ നിമിഷങ്ങളാണ്. തീർച്ചയായും അതൊരു തിരിച്ചറിവ് തന്നെയായിരുന്നു. 

നമ്മുടെ അവയവങ്ങൾ എത്രയോ വിലപ്പെട്ടതല്ലേ.മണ്ണിൽ ചീയുന്നതിനേക്കാൾ എത്രയോ മഹത്തരമല്ലേ ദാനം ചെയ്യുന്നത്. അവയദാനത്തിലൂടെ നമ്മൾ മറ്റൊരാളിലൂടെ ജീവിക്കുകയല്ലേ... നമ്മൾ വീണ്ടും കാണും, വീണ്ടും നമ്മുടെ ഹൃദയമിടിക്കും.

ആറടി മണ്ണിലാണോ നമ്മൾ ഓർമ്മിക്കപ്പെടേണ്ടത്... ? ആളുകളുടെ ഹൃദയത്തിലല്ലേ ശരിക്കും നമ്മൾ ജീവിച്ചിരിക്കേണ്ടതും ഓർമ്മിക്കപ്പെടേണ്ടതും. 

എനിക്കും നിങ്ങൾക്കുമിടയിൽ ഒരു ഭാഷ സംസാരിക്കുന്നുണ്ട്. ഹൃദയത്തിന്റെ ഭാഷ. ഇത് ഒരുതരത്തിൽ ഓർമ്മപ്പെടുതലാണ് നിങ്ങളുടെ ഹൃദയം ചർമം കൊണ്ട് പൊതിഞ്ഞ ഒരവയവം എന്നതിനേക്കാൾ സ്നേഹം കൊണ്ട് നിറഞ്ഞ മകുടമായിമാറട്ടെ. 

എല്ലാവരും നിസ്വാർത്ഥമായി സ്നേഹിക്കട്ടെ. ആരുടേയും വേദന നിറഞ്ഞ ഓർമ്മകളിൽ നമുക്ക് ഇടമുണ്ടാകാതിരിക്കട്ടെ. 

വീണ്ടും കുത്തിക്കുറിക്കാൻ ഇടയായതിന് മാറിയാമോ നിനക്ക്, സ്നേഹവും സന്തോഷവും എന്നും നിന്റെ വാക്കുകളിൽ കിനിയട്ടെ. 

ഒരുപാട് സ്നേഹത്തോടെ....